وەزارەتی دەرەوەی ئێران رەتیکردەوە وڵاتەکەی دەستی بەبەرهەمهێنانی کانزای یۆرانیۆم کردبێت و دووپاتیکردەوە کە تەنها توێژینەوەیان لەوبارەیەوە کردووە.
ئەمڕۆ دووشەممە، ١٥ی شوباتی ٢٠٢١، سەعید خەتیب زادە، وتەبێژی وەزارەتی دەرەوەی ئێران رایگەیاند:"پرسی سوتەمەنی کانزای پێشکەوتوو بۆ کارلیکەکان پرسێکی کۆنە و ئێرانیش مافی خۆیەتی توێژینەوە و پێشخستن لە بواری زانستی ئەتۆمی بکات".
ئاماژەی بەوەشکرد:"کانزای یۆرانیۆم گرنگە بۆ بەدەستهێنانی سوتەمەنی پێشکەوتوو، ئێرانیش هیچ کارێکی نەکردووە جگە لە توێژینەوە و پێشختن لە بواری سوتەمەنیدا".
ئەوەشیخستەڕوو:"ئەگەر ئەوروپییەکان ئەرکەکانیان جێبەجێ بکەن ئەوە رۆژی دواتر ئێرانیش جێبەجێیان دەکات، ئەوروپاش رێگەیەکی ئاسانی لەبەردەمدایە بۆ نەهێستنی ئەو ناکۆکییانە، ئەویش لە رێگەی جێبەجێکردنی رێککەوتنەکاندایە".