هەریەکە لە روسیا و تورکیا رێککەوتنێکیان
لەسەر کردنەوەی سێ دەروازەی سوریا بەڕووی هاوڵاتییاندا ئەنجامدا.
ئەمڕۆ چوارشەممە ٢٤ی ئازار، وەزارەتی بەرگری
روسیا رایگەیاندووە:" لەگەل تورکیا گەیشتوونەتە رێککەوتن لەبارەی کردنەوەی
دەروازەکانی ئیدلیب و حەلەب و باکوری سوریا بۆ کەمکردنەوەی فشار لەسەر هاوڵاتیانی
ئەو ناوچانە".
ئەوەش راگەیەندراوە:" کردنەوەی ئەو
دەروازانە گوزەران و ژیانی هاوڵاتییان لەو ناوچانە باشتردەکات و دەتوانن بە ئاسانی
پەیوەندی بە ناوچەکانی دەوروبەرەوە بکەن بۆ کارکردن".