وەزارەتی پەروەردەی هەرێم رایگەیاند، لە کاتی سەپاندنی قەدەغەی هاتوچۆدا تەنها تاقیکردنەوەکان ئەنجامدەدرێت.
ئەمڕۆ پێنجشەممە ٨ی نیسان، وەزارەتی پەروەردەی هەرێم رایگەیاند:" تاوەکو ئەنجامدانی کۆبونەوەی لیژنەی باڵای بەرەنگاربونەوەی ڤایرۆسی کۆرۆنا، تەواوی ناوەندەکانی خوێندنی سەر بە وەزارەتی پەروەردە ( حکومی - ناحکومی ) بە داخراوەیی دەمێننەوە".
لە راگەیەندراوەکەدا ئەوەشهاتووە:" تەنها تاقیکردنەوەکان ئەنجام دەدرێن، بە گوێرەی خشتەی راگەیەندراو بەردەوام دەبن بە رێککارەکانی خۆپارێزیییەوە".
ئەمەش لە کاتێکدایە دوێنی لیژنەی باڵای رووبەڕووبوونەوەی کۆرۆنا بڕیاردا کە لە نێوان ٨ بۆ ١٢ی نیسان قەدەغەی هاتوچۆی ئۆتۆمبێل و پیادە لە سەرجەم پارێزگا و ئیدارە سەربەخۆکانی هەرێم لە کاتژمێر ٨:٠٠ی ئێوارە بۆ ٦:٠٠ی بەیانی بسەپێندرێت.