بابەتە سەرەکیەکە: شاندی یەکێتی نیشتیمانی کوردستان بە سەرۆکایەتی
قوباد تاڵەبانی سەردانی یەکگرتووی ئیسلامیان کرد و لە سلێمانی کۆبونەوە.
راگەیەندراوی فەرمی: نوسینگەی لێپرسراوی مەکتەبی سکرتاریەتی سەرۆک مام
جەلال رایگەیاند: لەمیانی سەردانەکانی شاندی دانوستانکاری یەکێتی بۆ لای حزب و
لایەنە سیاسییەکان، ئەمڕۆ پێنج شەممە شاندەکە بەسەرۆکایەتی قوباد تاڵەبانی، لەگەڵ
مامۆستا سەڵاحەدین محەمەد بەهادین ئەمینداری گشتی یەکگرتووی ئیسلامی کوردستان
کۆبوونەوە.
ئەمەش هەیە: لەکۆبوونەوەکەدا کە لە سلێمانی بەڕێوەچوو و ژمارەیەک
لەئەندامانی مەکتەبی سیاسی و سەرکردایەتی هەردوولا ئامادەی بوون، پێکەوە گفتوگۆ
لەبارەی پەیوەندییەکانی نێوانیان و دۆخی سیاسی هەرێمی کوردستان و ئامادەکارییەکانی
قۆناغی پاش هەڵبژاردن کرا.
چی تر: لەبەشێکی کۆبونەوەکەدا کە تایبەت بوو بە قۆناغی دوای
هەڵبژاردن، هەردوولا هاوڕابوون لەسەر گرنگی پێکهێنانی دامەزراوەکانی هەرێمی
کوردستان لەسەر بنەمای خزمەتکردنی باشتری هاوڵاتیان.
زیاتر: بۆ ئەو مەبەستەش جەخت لە پێویستی گرتنەبەری هەنگاوی کردەیی
باشتر کرایەوە کە بژێوی هاوڵاتیان و خزمەتکردنیان لە پێشینەی کارەکانی داهاتوو بێت.