وتەبێژی هاتوچۆی هەولێر رایگەیاند، ئەمڕۆ شۆفێری بارهەڵگرێک بە ئاڕاستەی پێچەوانەی شەقامەکە دەڕۆشت و کاتێک کارمەندانی هاتوچۆ لێیان پرسی بۆچی ئەو کارەی کردووە، لە وەڵامدا وتی " من سوریم ".

ئەمڕۆ چوارشەممە، ٢٨ی نیسان، فازل حاجی، وتەبێژی پۆلیسی هاتوچۆی هەولێر لە هەژماری خۆی لە فەیسبووک نوسیویەتی:" ئەمڕۆ لە جوتسایدی سەرەکی ناحیەی بەحرکە بارهەڵگرێک بەئاراستەی پێچەوانە دەڕۆیشت و تابلۆی پێشەوەشی لێکردبووەوە، کاتێک کارمەندانی هاتوچۆ بینییان و لێپێچینەوەیان لەگەڵکرد، ئەو لە وەڵامدا وتی من سوریم، وەک ئەوەی کە سوری بیت دەبێت بە پێچەوانە بڕۆن ".

ئاماژەی بەوەشکرد:" کاتێک لێیان پرسی بۆچی تابلۆی پێشەوەی ئۆتۆمبێلەکەت لێکردووتەوە؟ وتی خاوەنەکەی لێیکردووتەوە و لەماڵەوە دایناوە، بۆ ئەوەی تێکنەچێت ".