توشبوون بەنەخۆشی شەکرە نابێتە هۆی رێگریکردن لەخواردنی میوەکان، بەڵام دەبێت توشبووانی ئەو نەخۆشییە ئاگاداری کۆمەڵێک جۆری میوەبن کەدەبێتەهۆی بەرزبوونەوەی رێژەی شەکری خوێنیان.

پێگەی "WebTeb"ی تەندروستیی ئاشکرایکردووە:" کۆمەڵێک جۆری میوە هەن کەدەبنەهۆی زیادبوونی رێژەی شەکری خوێن و پێویستە توشبووانی نەخۆشیی شەکرە بەئاگادارییەوە و زۆرجار لەژێر رێنمایی پزیشکدا ئەو جۆرە میوانە بخۆن".

ئەو جۆرە میوانەی پێگەکە ئاماژەی پێداوە:

١- میوە وشککراوەکان
کاتێک میوەکان وشکدەکرێنەوە، رێژەی کاربۆهیدراتییان بەرزدەبێتەوە ئەمەش بەمانای بڕێکی زیاتر لەشەکر دێت و زۆربەی جار ئەو میوانە ریشاڵەکانیان و بەشێک لەبەها خۆراکییەکانیان لەدەستدەن.
٢- گیراوەی میوەکان
خواردنەوەی بڕێکی زۆر لەگیراوە و ئاوی میوەکان دەبێتەهۆی بەرزبوونەوەی شەکری خوێن بەهۆی ئەوەی کاتێک ئەو میوانە دەکرێنە گیراوە ریشاڵەکانیان لەدەستدەدەن بەمەش زووتر لە لەگەدەدا هەرسدەبن و رێژەی گلوکۆز لەخوێندا بەرزدەکەنەوە.
٣- میوە لەقتوونراوەکان
ئەو میوانەی لەقتوو دەنرێن لەناو گیراوەی شەکراودا هەڵدەگیرین و زۆربەی جار شیرینییە دەستکردەکانیان بۆ زیاددەکرێت بەمەش رێژەی شەکری خوێن زیاددەکەن.
٤- مانگۆ
مانگۆ یەکێکە لەو میوانەی رێژەیەکی زۆر لەشەکر لەخۆدەگرێت و باشتر وایە توشبووانی نەخۆشیی شەکرە خۆیان بەدووربگرن لێی.