دەسەڵاتدارانی مەکسیک رایانگەیاند، لەئەنجامی شەڕی نێوان دوو گروپی بازرگانیکردن بە ماددە هۆشبەرەکان، دوو گەشتیاری لەو وڵاتەدا کوژران و سیانی دیکەش برینداربوون.

دوو گەشتیاری ئەڵمانی و هیندی کوژران

 ئاژانسی هەواڵی فەرەنسی ئاماژەی بەوەکردووە:" ئێوارەی دوێنێ لە شاری تۆلۆم لە باشووری رۆژهەڵاتی مەکسیک دوو گەشتیاری ئەڵمانی و هیندی لە ئەنجامی شەڕەتەقەی نێوان دوو گروپی فرۆشتنی ماددە هۆشبەرەکان گوژران و سیانی دیکەش برینداربوون، کە دووانیان بەڕەگەز ئەڵمانین و یەکێکیشیان هۆڵەندییە ".
ئەوەش خراوەتەڕوو:" یەکێک لە کوژراوەکان دەستبەجێ لە شوێنی رووداوەکە گیانی لەدەستدا، ئەوەی دیکەشیان بەهۆی سەختی برینەکەیەوە لە نەخۆشخانە گیانی لەدەستدا ".