شەوی رابردوو، لە گوندی بازی سەر بە دەڤەری بارزان، دوو ئۆتۆمبێلی سەر بە هێزەکانی ئاسایشی هەرێم بە سەرپەرشتی بەروار سەعید سینەم بالی و لەسەر فەرمانی کوڕە بچووکی مەسعود بارزانی سەرۆکی پارتی، بەرپرسی پاسەوانەکانی ئەدهەم بارزانی کەسایەتی سیاسی و دیاری هەرێم دەستگیرکرا.
بارەگای ئەدهەم بارزانی کەسایەتی سیاسی و دیاری هەرێمی کوردستان لە بەیاننەمەیەکدا ئاشکرایکرد،نزیکەی کاتژمێر ١١ی شەوی رابردوو، دوو ئۆتۆمبێلی هێزەکانی ئاسایش بە سەرپەرشتی بەروار سەعید بالی کە سەر بە پارتی دیموکراتی کوردستانە، چوونەتە گوندی بازی لە دەڤەری بارزان و بەرپرسی پاسەوانەکانی ئەدهەم بارزانییان لەسەر فەرمانی مەلا مستەفا کوڕە بچووکی مەسعود بارزانی سەرۆکی پارتی دەستگیرکردووە.
لە بەیاننامەکەدا هاتووە، دوای دەستگیرکردنی ئەو بەرپرسە، هێزە ئەمنییەکان رایانگەیاندووە دەیبەنە قەزای مێرگەسوور لە پارێزگای هەولێر.
ئەوەشی خستووەتەڕوو، دوای کاتژمێرێک لە رووداوەکە سەرۆکی هەرێم لە رووداوی دەستگیرکردنەکە ئاگادارکراوەتەوە.