د. عەبدوللەتیف ئەحمەد رایگەیاند، هەر سەرکردەیەک بڕیاری باش بدات باشە دێتە ڕێی و میللەتیش خۆشی دەوێت، هەر سەرکردەیەکیش پشت لە خواو ئاینەکەی بکات هەر سەرشۆڕی و تیاچون لەڕێگایەتی.
د. عەبدوللەتیف ئەحمەد، رابەڕی سەلەفییەکانی هەرێم ئاماژەی بەوەکردووە:"بڕیارەکەی بافڵ جەلال تاڵەبانی پەسەندو جوانە و جێگای دەست خۆشی و دڵ خۆشییە، بە هیوای جێبەجێكردن و بەردەوام بوون ".
ئەمەش لەکاتێکدایە، شەوی رابردوو بەبڕیاری بافڵ جەلال تاڵەبانی سەرۆکی یەکێتی سەرجەم ئەو شوێنانەی گەڕەکی سەرچناری سلێمانی داخران کە دوورن لە ئاین و رەوشت و ئاکاری کۆمەڵگەی کوردی.