بڕیارە هەرێمی کوردستان میوانداری جامی کۆنیفای ساڵی ٢٠٢٤ بکات کە بە بەشداری هەرێمەکانی جیهان بەڕێوەدەچێت.
فەرمانگەی میدیا و زانیاری حکومەتی هەرێمی کوردستان رایگەیاند:" مافی میوانداریکردنی جامی کۆنیفای ساڵی ٢٠٢٤ بە هەرێمی کوردستان بەخشرا و بڕیارە سەرجەم یارییەکانی جامەکە لە یاریگاکانی هەرێمی کوردستان بەڕێوەبچێت".
پێشتر جەلال سەعید وتەبێژی یەکێتی تۆپی پێی کوردستان رایگەیاندبوو:" جامی کۆنیفا تاوەکو ئێستا جارێک لە هەرێمی کوردستان ئەنجامدراوە و داواکاری بۆ میوانداریکردنێکی دیکەی جامەکە پێشکەش دەکەین".
جامی کۆنیفا پاڵەوانێتییەکی تایبەت بە تۆپی پێیە و لەلایەن یەکێتی تۆپی پێی جیهان (فیفا)وە رێکدەخرێت بۆ هەرێمەکانی جیهان، بە گشتی ژمارەی بەشداربووانی جامەکە بیتی دەبێت لە ١٦ هەڵبژاردە و هەندێکجاریش ئەو ژمارەیە زیاتر دەبێت.
شایەنی باسە هەڵبژاردەی کوردستان چەند جارێک گەیشتووەتە یاری کۆتایی پاڵەوانێتییەکە و  ساڵی ٢٠١٢ بۆ یەکەمجار توانی نازناوەکە بەدەستبهێنێت.