باڵیۆزی ئەمەریکا لە عێراق ئیدانەی هێرشەکەی دوێنێی سەر فڕۆکەخانەی کشتوکاڵی عەربەت دەکات و دەڵێت " جه‌خت له‌ رێزگرتن له‌ سه‌روه‌ری و یه‌كپارچه‌یی خاكی عێراق ده‌كه‌ینه‌وه‌ ".

ئه‌لینا رۆمانۆوسكی باڵیۆزی ئه‌مه‌ریكا له‌ عێراق له‌ تۆڕی كۆمه‌ڵایه‌تی ئێكس (تویته‌ری پێشوو)، نووسیوویه‌تی: "ئیدانه‌ی هێرشه‌كه‌ی سه‌ر فڕۆكه‌خانه‌ی عه‌ربه‌ت له‌ سنووری پارێزگای سلێمانی ده‌كه‌ین، جه‌خت له‌ رێزگرتن له‌ سه‌روه‌ری و یه‌كپارچه‌یی خاكی عێراق ده‌كه‌ینه‌وه‌، كه‌ دوو فاكته‌ری پێویستن بۆ ئاسایش و سه‌قامگیری ئه‌و وڵاته‌".

ئەوەشی خستەڕوو:" سه‌ره‌خۆشی له‌ كه‌سوكاری ئه‌و كه‌سانه‌ش ده‌كه‌ین، كه‌ خۆشه‌ویستانیان به‌هۆی ئه‌م هێرشه‌وه‌ له‌ده‌ستدا".

ئەمەش لەکاتێکدایە، دوانیوەڕۆی دوێنێ دووشەممە، لەرێگەی درۆنەوە هێرشکرایەسەر فڕۆکەخانەی کشتوکاڵی عەربەت و بەهۆیەوە سێ پێشمەرگەی هێزەکانی دژەتیرۆر CTG شەهیدبوون و سێیانی دیکەش برینداربوون.