ئێدوارد کاماڤینگا لە مەشقەکانی هەڵبژاردەکەی تووشی پێکان بووە و گەڕاوەتەوە بۆ شاری مەدرید.
میدیاکانی ئیسپانیا بڵاویانکردەوە:" ئێدوارد کاماڤینگای فەڕەنسی و یاریزانی یانەی ریاڵ مەدرید، لە مەشقەکانی هەڵبژاردەکەی تووشی پێکان بووە و دەگەڕێتەوە بۆ مەدرید بۆ ئەوەی بەدواداچوونی زیاتر بۆ پێکانەکەی بکات".
ئاماژەیان بەوەشکرد:" بەگوێرەی زانیارییە سەرەتاییەکان، ناوبراو لە بەستەرەی ئەژنۆی راستیدا تووشی پێکان بووە و بەوهۆیەشەوە بەلایەنی کەمەوە، بۆ ماوەی شەش هەفتە لە یاریگاکان دووردەکەوێتەوە".
شایەنی باسە، پێشتر هەریەکە لە تیبۆ کۆرتوا و ئیدێر میلیتاو بەهۆی تووشبوونیان بە پێکانی سەختەوە لە یاریکردن دوورکەوتنەوە و چاوەڕوان دەکرێت تاوەکو کۆتایی وەرز نەگەڕێنەوە بۆ یاریگاکان، هەروەها لە ماوەکانی رابردووشدا چوامینی یاریزانی هێڵی ناوەندی یانەکە تووشی پێکان بووبوو.