بابەتە سەرەکییەکە: دابەشکردنی خەڵاتی باڵۆن دۆری ئەمساڵ
مشتومڕێکی زۆری لێکەوتەوە.
ئەوەی پێویستە بیزانیت: بڕیارە کاتژمێر 10:00ی ئەمشەو بە
کاتی هەرێمی کوردستان، مەراسیمی دابەشکردنی خەڵاتە هاوبەشەکەی نێوان یوفا و گۆڤاری
فرانس فوتبۆڵ دەستپێبکات.
چی تر: تا چەند کاتژمێرێک پێش ئێستا، سەرجەم میدیا و
رۆژنامەنووسە بەناوبانگەکان کۆک بوون لەسەر ئەوەی خەڵاتەکە بۆ ڤینیسیۆس جۆنیۆری
بەڕازیلی و یاریزانی یانەی ریاڵ مەدرید یەکلایی بووەتەوە.
دواتر: لەناکاو دەنگۆی ئەوە بڵاوبووەوە کە یاریزانەکە
براوەی خەڵاتەکە نییە و فابریزۆ رۆمانۆ رۆژنامەنووسی باوەڕپێکراوی ئیتاڵی
رایگەیاند: یاریزانە بەڕازیلیەکەک گەشتی پاریس ناکات چونکە دەزانێت نابێتە براوەی باڵۆن
دۆر.
لەلایەکی ترەوە: سەرجەم بانگهێشتکراوەکانی تری یانەی
ریاڵ مەدرید گەشتەکانیان بۆ پاریس هەڵوەشاندووەتەوە و بەشداریکردنیان لە مەراسیمەکە
رەتکردووەتەوە.