دوای زیاتر لە مانگ و نیوێک شەڕ و پێکدادان، ئاگربەست بۆ ماوەی چوار رۆژ لەنێوان چەکدارانی حەماس و سوپای ئیسرائیل دەستیپێکرد.
ماڵپەری BBC بڵاویکردەوە:" بەرەبەیانی ئەمڕۆ هەینی، ئاگربەستی چوار رۆژەی نێوان چەکدارانی حەماس و سوپای ئیسرائیل کەوتە بواری جێبەجێکردنەوە".
ئاماژەی بەوەشکرد:" بڕیارە لە قۆناغی یەکەمی ئاگربەستەکەدا، پاشنیوەڕۆی ئەمڕۆدا ١٣ بارمتەی ئیسرائیلی لەلایەن چەکدارانی حەماسەوە ئازاد بکرێن".
شایەنی باسە رۆژی چوارشەممەی رابردوو، چەکدارانی حەماس و سوپای ئیسرائیل بە نێوەندگیری قەتەڕ و ئەمەریکا و میسر لەسەر ئاگربەستێک بۆ ماوەی چوار رۆژ رێککەوتن.
بەگوێرەی رێککەوتنەکە، چەکدارانی حەماس ٥٠ بارمتەی ئیسرای=ئیلی ئازاد دەکات و لە بەرامبەریشدا سوپای ئیسرائیل ١٥٩٠ بارمتەی فەڵەستینی ئازاد دەکات، هاوکات رۆژانە زیاتر لە ١٠٠ هەزار لیتر سووتەمەنی رەوانەی کەرتی غەززە دەکرێت لەپێناو دابینکردنی کارەبا بۆ نەخۆشخانەکان.