بابەتە سەرەکییەکە: کۆمیسیۆنی باڵای سەربەخۆی هەڵبژاردنەکانی عێراق رێککارەکانی بەستنی کۆنگرەی بزوتنەوەی گۆڕانی هەڵوەشاندەوە.

زیاتر بزانە: لە نوسراوێکی کۆمیسیۆندا هاتوە: لە ئەنجامی تانەی رێپێدراوی دەستەی گشتی بزوتنەوەی گۆڕان لەلایەن فەرمانگەی کاروباری پارت و رێکخراوەکانەوە بڕیارەکە دراوە.

ئەوەی پێویستە بیزانیت: بڕیاربو رۆژی 2ی مانگی شوباتی ئەمساڵ، کۆنگرەی بزوتنەوەی گۆڕان بەڕێوەبچێت، کە پێشتر لە رێورەسمێکدا عومەری سەید عەلی دەستبەرداری پۆستی رێکخەری گشتی بزوتنەوەکە ببو بۆ دانا ئەحمەد مەجید بە وەکالەت.