بەڕێوەبەرایەتی هاتوچۆی سلێمانی رایگەیاند، بەهۆی
بوونی کێشەیەک لە تەزووی کارەبای بەرێوەبەرایەتییەکە، ئەمڕۆ نەیانتوانیوە مامەڵەی
هاوڵاتییان رایی بکەن.
بەڕێوەبەرایەتی هاتوچۆی سلێمانی لە راگەیەندراوێکدا
ئاماژەی بەوەکرد:" ئەمڕۆ کێشەیەک لە تەزووی کارەبای بینای بەڕێوەبەرایەتییەکە
هەبووە و بەهۆیەوە نەمانتوانیوە مامەڵەی هاوڵاتییان رایی بکەین، لە
ئێستادا سەرقاڵی چارەسەرکردنی کێشەکەین ".
ئەوەشی خستەڕوو:" دوای
چارەسەرکردنی کێشەکە لەڕێگەی ماڵپەڕی بەڕێوەبەرایەتیی هاتوچۆی سلێمانی و پەیجی
فەرمی بەڕێوەبەرایەتییەکە، هاوڵاتیان ئاگادار دەکەینەوە بۆ ئەوەی بتوانن سەردانمان
بکەن و کارەکانیان بۆ تەواو بکەین ".