وابڕیارە بۆ یادی رۆژی خۆشەویستی "ڤالانتاین" شەوە ئاهەنگێكی گەورە لە هەولێر ساز بكات.

 نانسی عەجرەم، هونەرمەندی لوبنانی و كە خۆی وەك دایكی كچان ناودەبات، ئامادەكاری دەكات بۆ ئەوەی كۆنسێرتێكی گەەورە لە هۆڵی MI9 لە هەولێر پێشكەش بكات و بەپێی رێكخەرانی كۆنسێرتەكەش بێت بلیتەكان نرخەكانیان لە 100 دۆلارەوە تا 400 دۆلار دەستپێدەكات.

پاش ئەوەی بەهۆی جەنگی غەززە و هاوسۆزی لەگەڵ هاوڵاتیانی فەڵەستین ئەو هونەرمەندە چالاكییەكانی راگرت، لە ئێستادا نانسی عەجرەم گەڕاوەتەوە بۆ ئەوەی دەست بە چالاكییە هونەریەكانی بكاتەوە و كۆنسێرتێك بە بۆنەی ڕۆژی ڤالانتاینەوە لە هۆڵی MI9ی هەولێر لە 14ی شوبات ئەنجامبدات، ئەمەش پاش تێپەڕبوونی 11 ساڵە بەسەر كۆتا سەردانیدا بۆ هەولێر.

بەڕێوەبردنی هۆڵی MI9ی بڵاویكردەوە:" بلیتی ئەو ئاهەنگە زیو، زێڕ و ئەڵماسن و نرخەكانیشیان بە شێوازێكن: بلیتی زیو 100 دۆلارە، تۆماركردنی مێزەكان دوور لە شانۆكە دەكرێت، بلیتی زێڕین بە 200 دۆلارە، تۆماركردنی مێزەكان لە ناوەڕاستی هۆڵەكە دەكرێت و بلیتی ئەڵماسەیش 400 دۆلارە و خواردن، خواردنەوە و نێرگەلەیەك لەخۆدەگرێت و نزیكە لە ستەیجی گۆرانی وتنەوە دەبێت".