لەکاتی سەردانیکردنی بۆ ماڵی کۆسرەت رەسول، بافڵ جەلال تاڵەبانی سەرۆکی یەکێتی چاویکەوت بە لیوا ئەیوب یوسف، فەرماندەی لیواكانی (3-7)ی هێزەكانی 70 پێشمەرگە.

لیوا ئەیوب یوسف کۆمەڵێک وێنەی لەگەڵ بافڵ جەلال تاڵەبانی سەرۆکی یەکێتی لە هەژماری تایبەتی خۆی بڵاوکردووەتەوە و نوسیویەتی:" وەک هەمیشە دەست لەناو دەست بۆ داڕشتنی نەخشەی کوردستانێکی ئارام و پڕ لە ئاشتی و ئاوەدانی و خۆشگوزەرانی، پاراستنی برایەتیمان بۆ خزمەتی خەڵکی کوردستان و فەراهەمکردنی کەشێکی لەبار بۆ ژیانکردن ".

ئەمەش لەکاتێکدایە، ئەمڕۆ بافڵ جەلال تاڵەبانی سەردانی کۆسرەت رەسولی کرد و رایگەیاند:" ئەزموونی دەوڵەمەند و پڕ لە شانازیی كاك كۆسرەت بۆ ئێمە قوتابخانەیە و وانەكانی قارەمانێتی و جوامێریی لێوە فێردەبین ".