وتەبێژی سوپای بەرگری ئیسڕائیل زانیاری دەربارەی ئەنجامدانی هێرشێك بۆسەر نەخۆشخانەی شیفا و دەوروبەری ئاشكرا كرد.
بەپێی رۆژنامەی The Guardian، دێنیێڵ هگاریی، وتەبێژی سوپای بەرگری ئیسڕائیل لە راگەیەندراوێكدا بڵاویكردەوە:" شەوی رابردوو ئۆپراسیۆنێكی تایبەتمان بۆسەر نەخۆشخانەی شیفا دەستپێكرد".
ئاماژەی بەوەشكردووە:" بە پشتنبەستن بە زانیارییە وردەكانی دەستگای هەواڵگری وڵاتەكەمان (مۆساد)، ئەم ئۆپراسیۆنەمان دەستپێكردووە و ئامانجمان جوداكردنەوەی هاوڵاتیانە لە تیرۆریستانی حەماس".
باسی لەوەشكردووە:" بەپێی زانیارییەكانمان لە ئێستادا ئەو نەخۆشخانەیە لەلایەن تیرۆریستانی حەماسەوە وەك پێگەیەك بۆ كۆكردنەوەی هێز و ئەنجامدانی چالاكی تیرۆریستی بەكار دەهێندرێت و دەبێت رێگری لە ئەنجامدانی هەر هێرشێكی هاوشێوە بە بەكارهێنانی شوێنە گشتییەكان بكەین".