بۆ یەکەم جار لە مێژوودا، شانشینی سعودیەی عەرەبی بەشداری لە کێبڕکێی شاجوانی گەردوون دەکات و رومی قەحتانی نوێنەرایەتی دەکات.
لە پێگەی ئینستاگرامی خۆی، رۆمی قەحتانی، کچە مۆدێل و شاجوانی سعودیە، رایگەیاند کە بۆ کێبڕکێی شاجوانی گەردوون 2024 کە وا بڕیارە لە مەکسیک بەڕێوەبچێت، نوێنەرایەتی وڵاتەکەی دەکات.
لەو بارەیەوە، ناوبراو رایگەیاندووە کە ئەوە هەنگاوێکی گەورەیە بۆ سعودیە و وڵاتەکەی دەچێتە گۆڕەپانی قەشەنگی و هەمەجۆرییەوە.
جێی ئاماژەیە، رومی قەحتانی لەناو سعودیەدا ناوێکی دیاری بوارەکەیە و بەشداری چەندین چالاکی هاوشێوەی کردووە، وەک کێبڕکێکانی شاجوانی جیهانی عەرەبی و شاجوانی جیهان و چەندانی دیکە.
بەشداریکردنی سعودیە بۆ کێبڕکێی شاجوانی گەردوون، لەلایەن چاودێرانەوە بە کرانەوە بە رووی جیهاندا دادەنرێت، بە تایبەتی کە لە وڵاتەکەدا سانسۆرێکی زۆر لەسەر ژنان بووە لە رابردوودا.