لێپرسراوی بۆردی
راگەیاندنی یەکێتی نیشتمانی کوردستان رایگەیاند، سەردانەکەی بافڵ جەلال تاڵەبانی
بۆ مۆسکۆ گرنگ و فەرمییە.
لەتیف نێروەیی لێپرسراوی
بۆردی راگەیاندنی یەکێتی نیشتمانی کوردستان رایگەیاند:" سەردانەکەی بافڵ
جەلال تاڵەبانی سەرۆکی یەکێتی نیشتمانی کوردستان بۆ روسیا، لە کاتێکی هەستیاردایە
و گرنگ و فەرمییە".
ئاماژەی بەوەشکرد:"
سەرۆکی یەکێتی لە میانەی سەردانەکەیدا ژمارەیەک دۆسیەی سیاسی، ئەمنی و ئابووری لەگەڵ
بەرپرسانی روسیا تاوتوێ کراوە و دەکرێت".
وتیشی:" ئەم
سەردانەی سەرۆکی یەکێتی بۆ پتەوکردنی پەیوەندییە سیاسییەکانە لەگەڵ روسیا کە هەرێم
و عێراق و یەکێتی پەیوەندی لە مێژینەیان لەگەڵ ئەو وڵاتەدا هەیە و بەشێکیان بۆ
سەردەمی مام جەلال دەگەڕێنەوە".
دوێنێ پێنجشەممە، سەرۆکی
یەکێتی نیشتمانی کوردستان بە سەردانێک گەیشتە مۆسکۆ و لە میانەی سەردانەکەیدا
لەگەڵ وەزیری دەرەوەی روسیا و چەند بەرپرسێکی دیکەی وڵاتەکە کۆبووەوە.