فەرماندەیی ئۆپەراسیۆنە
هاوبەشەکانی عێراق لیژنەیەک بۆ لێکۆڵینەوە لە هێرشەکەی دوێنێی سەر کێڵگەی غازی
کۆرمۆر پێکدەهێنێت.
شانەی راگەیاندنی ئەمنی
عێراق لە راگەیەندراوێکدا ئاماژەی بەوەکرد:" لەسەر راسپاردەی محەمەد شیاع
سودانی فەرماندەی هێزە چەکدارەکانی عێراق، لییژنەیەک لە فەرماندەیی ئۆپەراسیۆنە
هاوبەشەکان بە مەبەستی لێکۆڵینەوە لەسەر هێرشە تێکدەرانەکەی سەر کێڵگەی غازی کۆرمۆر
پێکهێنرا".
هەموولایەکیش لە سزادانی دادپەروەرانەی دەستدرێژیکاران دڵنیا دەکەینەوە
باسی لەوەشکرد:" هاوکات
ئیدانە ئەو دەستدرێژییە دەکەین کە کراوەتە سەر سامانی ئابووری وڵاتەکەمان،
هەموولایەکیش لە سزادانی دادپەروەرانەی دەستدرێژیکاران دڵنیا دەکەینەوە".
ئێوارەی دوێنێ هەینی، لە
رێگەی فڕۆکەی بێ فڕۆکەوانەوە هێرشکرایە سەر کێڵگەی غازی کۆرمۆر لە سنووری قەزای
چەمچەماڵ و بەوهۆیەشەوە چوار کەس گیانیان لەدەستدا و چەند کەسێکی دیکەش بریندار
بوون.