پاش رووداوەكانی دوێنێی رێگای دوكان-سلێمانی و بەدواداچونی جێگری سەرۆكی ئەنجومەنی وەزیران، هاتوچۆی سلێمانی راسپاردەیەكی قوباد تاڵەبانی جێبەجێدەكات.
بەڕێوەبەرایەتیی هاتوچۆی سلێمانی لە راگەیەندراوێكدا بڵاویكردەوە:" بڕیارمانداوە لە رۆژانی هەینیدا لە كاتژمێر 7:00ی بەیانی بۆ 7:00 ی ئێوارە هاتوچۆی بارهەڵگرەكان لە رێگای دوكان ـ سلێمانی وە بە پێچەوانەوە، رێگای قەرەداغ، شەقامی هەواری شار بۆ تونێلی پێشڕەو، رێگای سەرجەم ئەو سەیرانگایانەی لە سنووری شارەزووردان قەدەغەبكرێت".
سەرجەم مەفرەزەكان و بازگەكان و قەزای ناوەند هەڵدەستن بەكاری چاودێریی
ئاماژەی بەوەشكردووە:" سەرجەم مەفرەزەكان و بازگەكان و قەزای ناوەند هەڵدەستن بەكاری چاودێریی و لێپرسینەوە لەو شۆفێرانەی پابەندی ئەم بڕیارە نابن".
پابەندبن تا بەدووربن لە لێپرسینەوەی یاسایی
داواشی لە شۆفێرانی بارهەڵگرەكان كردووە، كە پابەندبن تا بەدووربن لە كارەساتەكانی هاتووچۆ و لە لێپرسینەوەی یاسایی.