خاوەنی کۆمپانیای
جێبەجێکاری پرۆژەکە رایگەیاند، پرۆژەی رێگەی کەلار- سلێمانی لەسەر بەڵێنی قوباد
تاڵەبانی دەست بە کارەکانی دەکاتەوە.
عوسمان حەمەسەعید خاوەنی
کۆمپانیای بێشکان رایگەیاند:" بڕی ئەو پارەیەی کە بۆ پرۆژەی رێگەی کەلار –
سلێمانی خەرج دەکرا وەکو پێویست نەبوو، بۆیە لە یەکەم رۆژی مانگی رەمەزانی
پیرۆزەوە کارەکانی ئەو پرۆژەیەمان راگرتووە".
ئاماژەی بەوەشکرد:"
لەسەر بەڵێنی قوباد تاڵەبانی جێگری سەرۆک وەزیرانی هەرێم، رۆژی شەممەی داهاتوو
دەست بە کارەکانی پرۆژەی رێگەی کەلار – سلێمانی دەکرێتەوە".
باسی لەوەشکرد:" لە
میانەی سەردانەکەیدا بۆ سنووری ئیدارەی گەرمیان، قوباد تاڵەبانی بەڵێنی ئەوەی
پێداین لایەنی پەیوەندیدار بە مەبەستی خەرجکردنی پارەی پێویست بۆ پرۆژەکە ئاگادر
دەکاتەوە و لە رێگەی مەرگەی بیکەنە رێگەی
ژیان و کارێک بکرێت، کە چیدیکە کارکردن لەو پرۆژەیەدا رانەگیرێت".