شەڕ لەنێوان کۆڵبەران و سوپای پاسداران روویدا

درێژتر لە هەواڵ پێش 2 هەفتە

لەلایەن: رێبەند نەسرەدین

Alternate Text

بابەتە سەرەکییەکە: سوپای پاسداران هەوڵی دەستگیرکردنی چەند کۆڵبەرێکی داوە و ئەوانیش رووبەڕوویان بوونەتەوە.

 

سەرچاوە: رێکخراوی هەنگاو بۆ مافەکانی مرۆڤ بڵاویکردەوە: سوپای پاسداران هێرشیکردووەتە سەر ماڵی کۆمەڵێک کۆڵبەر لە سنووری شاری شنۆ و بەهۆی بەرگریکردنی کۆڵبەرەکان و سەرهەڵدانی ململانێی جەستەیی، سوپای پاسداران بە چەکی ئاڕ پی جی هێرشیانکردووەتە سەر ماڵەکە.

زیاتر: بەهۆی هێرشەکەوە کۆڵبەرێک کە خەڵکی شاری سەڵماسە و ناوی رامین شکاکە، گیانی لەدەستداوە و چەند کۆڵبەرێکی دیکە برینداربوون.

ئەمەش روویداوە: بە وتەی سەرچاوەیەک، کۆڵبەرێکی بریندار پاش شەڕێکی شەش کاتژمێری لەگەڵ سوپای پاسداران، دەستگیرکراوە و بۆ شوێنێکی نادیار گواستراوەتەوە.

ئەوەی پێویستە بیزانیت: هاوڵاتییانی رۆژهەڵاتی کوردستان لە شارە کوردییەکانی دیکەوە بە گشتی، بە مەبەستی کۆڵبەریکردن روودەکەنە شاری شنۆ و لە سنووری ئەو شارە و گوندەکانی دەوروبەری خانوو بەکرێ دەگرن بۆ ئەوەی پشووی تێدا بدەن.

ئه‌مانه‌ش ببینه

‌‌مەڵتیمیدیا