چی روویدا: سەرۆکایەتی شارەوانی سلێمانی سێ شوێنی بۆ دابەشکردنی زەوی بەسەر فەرمانبەرانی حکومەتی هەرێم دیاریکردووە.

کێ وتی: سەردەشت رەفیق، وتەبێژی سەرۆکایەتی شارەوانی سلێمانی بۆ BMC دەڵێت:"ئەو شوێنانەی تەرخانکراون بۆ دابەشکردنی زەوی بەسەر فەرمانبەران، کە بریتین لە ناوچەکانی تاسڵوجە، تانجەڕۆ و سۆتکە و لە ماوەیەکی نزیکدا زەوییەکان ئیفراز دەکرێت".

زیاتر: مەرجەکانی پێدانی زەوی بەسەر فەرمانبەران بریتین لەمانە:

- دەبێت فەرمانبەر لە هەشت ساڵ کەمتر خزمەتی نەبێ

- پێشتر سوودمەند نەبووبێت لە وەرگرتنی زەوی، یاخود شوقەی نیشتەجێبوونی لە حکومەت وەرنەگرتبێ

- نابێ فەرمانبەرەکە پێشتر زەوییەکی زیادەڕۆی وەگرتبێ و زەوییەکەی لەسەر تاپۆکرابێت

- ئەگەر دوو هاوسەر هەردووکیان فەرمانبەر بن و یەکێکیان پێشتر سودمەند بووبێت، ئێستا پێدانی زەوی نایانگرێتەوە