بابەتە سەرەکییەکە: وتەبێژی کۆمیسیۆنی باڵای هەڵبژاردنەکان رایگەیاند. زیاتر لە %23ـی هاوڵاتییانی هەرێم کە مافی دەنگدانیان هەیە، بێ بەش دەبن لە پرۆسەی دەنگدان و ناتوانن دەنگ بدەن.

لێدوانی فەرمی: جومانە غەلای وتەبێژی کۆمسیۆنی باڵای سەربەخۆی هەڵبژاردنەکانی عێراق رایگەیاند: لە %23 هاوڵاتییانی هەرێم پرۆسەی دەرهێنانی بایۆمەتری دەنگدانیان ئەنجام نەداوە، لە ئێستادا ناتوانن کارتی دەنگدان دروستبکەن و پرۆسەکە راگیراوە.

ئەمەش هەیە: پێویستە کۆمسیۆن دەرگای تۆمارکردن و دەرهێنانی کارتی بایۆمەتری دەنگدان بکاتەوە، دیار نیە لە دوای هەڵبژاردن چ کاتێک پرۆسەکە دەستپێدەکاتەوە.

زیاتر: بە گوێرەی ئامارەکانی کۆمسیۆن، سێ ملیۆن و 789 هەزار و 360 کەس، مافی دەنگدانیان هەیە و لەو رێژەیە 888 هەزار و 495 هاوڵاتی، لە مافی دەنگدان بێ بەش دەبن.