بابەتە
سەرەکییەکە: سبەی عەباس عێراقچی وەزیری دەرەوەی ئێران بە سەردانێکی فەرمی دەگاتە
بەغدا.
سەرچاوە: پێگەی
میدڵ ئێست نیوزی ئێرانی بڵاویکردەوە: وەزیری دەرەوەی ئێران لە سەردانەکەیدا لەگەڵ
بەرپرسانی عێراق کۆدەبێتەوە و لەبارەی دواین پێشهاتەکانی ناوچەکە بە گشتی و غەززە و
لوبنان بە تایبەتی گفتوگۆ دەکەن.
پێشتر: ناوبراو
سەردانی سعودییە و قەتەڕیشی کردبوو، هەروەها لەگەڵ بەرپرسانی ئەو وڵاتانەش
کۆبوونەوەی ئەنجامدابوو.
ئەمەش بزانە: CNNی ئەمەریکی
ئاشکرایکردبوو، ئێران نیگەرانە لەوەی ئەمەریکا نەیتوانیبێت ئیسرائیل رازیبکات
هێرشنەکاتە سەر دامەزراوە ئەتۆمییەکانی وەک وەڵامی هێرشەکانی هەفتەی رابردوو.
چی تر: میدیا ئەمەریکییەکە ئاماژەی بەوەشکردبوو، ئێران راوێژی
بەپەلەی لەگەڵ وڵاتانی رۆژهەڵاتی ناوەڕاست دەستپێکردووە لەوبارەیەوە.