بابەتە سەرەکیەکە: چاو بە
یەکێک لە ئەندامە گرنگەکانی جەستە دادەندرێت و بەردەوام تەماشاکردنی ئامێرە
تەکنەلۆژیەکان زیان بە چاوی گەورە و منداڵ دەگەیەنێت.
کێ وتی: پزیشكان و پسپۆڕانی ته‌ندروستی دەڵێن: منداڵان زیاتر خۆیان به
ته‌له‌فزیۆن، كۆمپیوته‌ر و ئایپاده‌وه خه‌ریك ده‌كه‌ن و كه‌متر جووڵه‌ی جه‌سته‌یان
هه‌یه، ئه‌مه‌ش وا ده‌كات تووشی لاوازی بینین ببن و ڤیتامین و پرۆتینه‌كان له
ده‌ست بده‌ن.
ئەمەش هەیە: پسپۆڕانی بواری خۆراک، سه‌رنج ده‌خه‌نه سه‌ر پێنج جۆر خواردنی سه‌ره‌كیی كه
سوودی پێویستی بۆ بینینی منداڵ هه‌یه و له لاوازبوونی چاویان ده‌یان پارێزێت:
- ماسی سەلەموون: دەوڵەمەنەدە بە ترشه‌لۆكی چه‌وری ئۆمێگا3، كه چاره‌سەرێکی
فراوان و گشتگیری بۆ وشکیی و سووربوون و سووتانەوەی چاو هه‌یه.
- گێزه‌ر: ده‌وڵه‌مه‌نده به بالیتا كارۆتین كه دژه‌ئۆكسانه و ئاستی
بینین به‌تایبه‌تی له تاریكیدا باش ده‌كات و ته‌ڕی چاو ده‌پارێزێت و رێگری له
ڤایرۆس ده‌كات.
- پرته‌قاڵ: دەوڵەمەندە بە ڤیتامین C و
یارمه‌تی پاراستنی چاو ده‌دات له سووربوونەوە.
- هێلكه: دەوڵەمەندە بە دژه‌ئۆكسانه‌كانی وه‌كوو لوتین و زیاکسانتین
و یارمەتیدەره بۆ پاراستنی چاو لە تێکچوونی بینین.
- بادەم: دەوڵەمەندە به ڤیتامین E و یارمەتیدەرە
بۆ پاراستن لە هەوکردن و ئاوی سپی چاو و لەدەستدانی بینین بەهۆی تەمەن و تێکچوونی
ئاوێنەی چاو.