بابەتی سەرەکی: پارێزگاری هەولێر رایگەیاند، هیچ حاڵەتێکی
نەخوازراو لە هەڵبژاردن لە پارێزگاکە رووینەداوە، دەشڵێت " وەک لیژنەی ئەمنی
پارێزگای هەولێر لە نزیکەوە چاودێری پرۆسەکە دەکەین".
لێدوانی فەرمی: ئومێد خۆشناو، پارێزگاری هەولێر
دەڵێت:" لە سەرەتای دەستپێکردنی پڕۆسەی دەنگدانی گشتی بۆ هەڵبژاردنی پەرلەمانی
کوردستان چەند کێشەیەکی تەکنیکی هەبوون، بەڵام هەر زوو توانرا چارەسەر بکرێن".
ئەمەشی وت: هیواخوزاین ئەو کەسانەی تاکو ئێستا دەنگیان
نەداوە بڕۆن دەنگ بدەن، هەموو کەسێک مافی ئەوەی هەیە بەشداری لە پڕۆسەکە بکات بۆ
ئەوەی چارەنووسی خۆی دیاری بکات و لە چوار ساڵی داهاتوودا نوێنەری خۆی بنێرێتە
پەرلەمان.
زیاتر: پارێزگاری هەولێر وتیشی:" پڕۆسەکە پەیوەندی
بە ناوبانگی خەڵکی هەرێمی کوردستان و حکومەت و دامەزراوەکانەوە هەیە، حکومەتی
هەرێمیش هەر شتێک پێویست بێت کردوویەتی بۆ ئەوەی پڕۆسەکە بە رێکوپێکی بەڕێوەبچێت".
درێژەی قسەکانی: هەموو پێداویستییەکانی پڕۆسەی هەڵبژاردن
دابینکراون و تیمی تەندروستی و ئەمنی لە بنکە و ێستگەکانی دەنگدان جێگیرکراون.
بە ژمارە: لە سنوری پارێزگای هەولێر ملیۆنێک و 725 هەزار
کەس مافی دەنگدانیان هەبوو، بەڵام 933 هەزار و 187 دەنگدەر کارتی بایۆمەتریان هەیە،
لەو ژمارەیەش تەنها 931 هەزار و 906 کەس کارتی دەنگدانیان وەرگرتووەتەوە، واتە تەنها
ئەم کەسانە دەتوانن دەنگ بدەن، هەروەها دوو هەزار و 213 وێستگە و 498 بنکەی دەنگدان
بەڕووی دەنگدەران کراونەتەوە.