بابەتە سەرەکیەکە: سەرپەرشتیاری ئیدارەی گەرمیان، بەبۆنەی کۆتاییهاتنی
پرۆسەی دەنگدانی تایبەت بە هەڵبژاردنی پەرلەمانی کوردستان پەیامێکی بڵاوکردەوە.
پەیامی فەرمی: جەلال شێخ نوری سەرپەرشتیاری ئیدارەی گەرمیان
رایگەیاند: بەبۆنەی کۆتاییهاتنی هەڵبژاردنەکانی خولی شەشەمی پەرلەمانی کوردستان
بەشێوەیەکی هێمنانە و دور لە کێشە و گرفت، بەناوی ئیدارەی گەرمیانەوە سوپاس و
پێزانینی خۆمان ئاڕاستەی هاوڵاتیان و کۆمسیۆنی باڵای سەربەخۆی هەڵبژاردنەکانی
عێراق و یەکە ئیدارییەکان و هێزەکانی ناوخۆ دەکەین.
ئەمەش هەیە: هەروەها فریاکەوتن و پەروەردە و تەندروستی و تەواوی
لایەنە سیاسیەکان و چاودێران و رێکخراوەکانی کۆمەڵی مەدەنی و رۆژنامەنوسان و
دەزگاکانی راگەیاندن کە رۆڵی گەورەیان هەبوو لە سەرکەوتنی پرۆسەی دەنگدان.
زیاتر: لێرەشەوە پیرۆزبایی
سەرکەوتنی هەڵبژاردنەکان ئاڕاستەی هاوڵاتیان دەکەین و داوا لە لایانگرانی سەرجەم
پارتە سیاسیەکان دەکەین لە دوای راگەیاندنی ئەنجامی هەڵبژاردنەکان و لە کاتی خۆشی
دەربڕین و ئاهەنگ گێڕان، خۆیان بەدور بگرن لە تەقەی خۆشی و تێکدانی ئارامی شار.