بابەتە سەرەکیەکە: ئەندامێکی
ئەنجومەنی نوێنەرانی عێراق رایگەیاند، گەشتیاران لە
سبەینێوە دەتوانن لە فڕۆکەخانەی سلێمانی، دۆلار بە نرخی فەرمی بانکی ناوەندی بکڕن.
لێدوانی فەرمی: بڕیار رەشید ئەندامی فراکسیۆنی یەکێتیی لە ئەنجومەنی
نوێنەرانی عیراق بە میدیای فەرمی حزبەکەی راگەیاند: لە سبەینێوە
گەشتیارانی پارێزگای سلێمانی لە کاتی گەشت کردن دەتوانن هاوشێوەی هاووڵاتیانی
پارێزگاکانی دیکەی عێراق سود لە کڕینی دۆلار بە نرخی فەرمی وەربگرن.
ئەمەشی وت: لە
ماوەی ڕابردوو لە هەوڵدا بووین بۆ کردنەوەی دەروازەی فرۆشتنی دۆلار لە رێگای
فرۆکەخانەی سلێمانییەوە بە گەشتیاران.
زیاتر: دەستخۆشی لە پارێزگاری بانکی ناوەندی و بەرێوبەری گشتی بانکی
تی بی ئای و بەرێوبەری فڕۆکەخانەی سلێمانی دەکەین کە هاوکار بوون لە جێبەجێکردنی
پرۆسەکە.