بابەتە سەرەکیەکە: جێگری سەرۆک وەزیرانی هەرێم
رایگەیاند، مەبەستمانە بەشێک لە پڕۆژە ستراتیجییەکانمان بهێنینە ئیدارەی راپەڕین و ببێتە مایەی فەراهەمکردنی هەلی کاری زیاتر
.
راگەیەندراوی فەرمی: قوباد تاڵەبانی جێگری سەرۆک
وەزیرانی هەرێم لە پەرەی تایبەتی خۆی بڵاویکردەوە: وەک چۆن لە سەرەتای مانگی
حوزەیران بەڵێنم پێدابوون، چەندین پڕۆژەمان لەدەڤەری راپەڕین جێبەجێکرد.
ئەمەشی وت: ئێستاش دەستمان کردوە بە جێبەجێکردنی
چەندین پڕۆژەی دیکە لەو دەڤەرە ئازیزە، لەوانە: پڕۆژەی ئاوەڕۆ و قیرتاوکردن و
دروستکردنی قوتابخانە و جوانکاری ناو شار و روناککردنەوەی شەقام و فراوانکردنی
جادەی دەروازەی راپەڕین و چەندین پڕۆژەی دیکە.
چی دیکە: مەبەستمانە بەشێک لەپڕۆژە ستراتیجییەکانیشمان
بهێنینە ئەو دەڤەرە کە ببێتە مایەی فەراهەمکردنی هەلی کاری زیاتر لەئیدارەی
راپەڕین.
زیاتر: ئێوە بەوەفا و راستگۆ بوون لەگەڵمان..
دڵنیابن ئێمەش بەوەفا و راستگۆ ئەبین لەگەڵتان.. ئێوە لەگەڵمان بوون.. ئێمەش لەگەڵتان دەبین.