بابەتە سەرەکیەکە: کۆمەڵێک خواردن هەن کە پێویستە خانمانی دووگیان لە ماوەی دووگیانیدا لێیان دووربکەونەوە بەهۆی مەترسی بوونی بەکتریاوە.
کێ وتی: د. کەژان کاوە دکتۆرا لە نەشتەرگەری و نەخۆشییەکانی ژنان و مناڵبوون دەڵێت: پێویستە بە گشتی دووربکەویتەوە لەو خواردنانەی کە دەکرێت بەکتریایان تێدابێت، لەبەر ئەوەی خانمانی دووگیان خراپتر و قورستر نەخۆش ئەکەون بەهۆی بەکتریاکانەوە.
ئەمەشی وت: بۆ خۆپارێزی پێویستە ئەم خواردنانە زۆر بەباشی بکوڵێنیت و گرنگی بە پاککردنەوەی کەلوپەلی چێشتخانەکەت بدەیت، بەتایبەتی پاش بەکارهێنان و شۆردنەوەی گۆشت و هێلکە و سەوزەکان .
زیاتر: نموونەی ئەو خواردنانەی مەترسی بوونی بەکتریایان هەیە؛
- گۆشتێک کە بە باشی نەکوڵێنرابێت.
- هێلکەی باش نەکوڵاو.
- ماسی.
- شیرێک کە بە باشی نەکوڵابێت یاخود پەنیر.
- ئەو سەوزانەی کە سەرچاوەی ئاوی پاک نەبێت یاخود بەجوانی نەشۆرابێتەوە .