بابەتە سەرەکیەکە: بەرپرسی مەڵبەندی خانەقینی یەکێتی هۆشداری دەدات، کاتی ئەنجامدانی سەرژمێری گشتی و بەشداریکردنی کورد لە ئێستادا نەگوجاوە.

لێدوانی فەرمی: شێرکۆ میروەیس بەرپرسی مەڵبەندی خانەقینی یەکێتی دەڵێت: ئامادەکاری تەواو کراوە بۆ گەڕانەوەی ئەو کەسانەی نیشتەجێی ئەم ناوچانەن.

زیاتر: تا ئێستا ماددەی 140ـی دەستوور جێبەجێ نەکراوە، خەڵک پێشتر لەبەر دەیان هۆکار ئەو ناوچانەیان بەجێهێشتووە، ئێستا بە زیانی کورد دەشکێتەوە ئەگەر زۆرینەی کورد بەشداری نەکات و نەگەڕێتەوە بۆ ناوچەکانی خۆیان.

چی تر: پێمان وایە کاتی ئەنجامدانی ئەم سەرژمێرییە بۆ کورد لە ئێستادا نەگونجاوە، وا بڕیار بوو لە ساڵی 2010 ئەنجام بدرایە، بەڵام بەهۆی رێگری هەندێک لایەنی سیاسی لە بەغدا دواخرا.

ئەمەش هەیە: دڵنیایی دایە هاووڵاتییان کە بارەگای مەڵبەند کراوە دەبێت بۆ ئاسانکاری کردن لە دابینکردنی جێگای مانەوە بۆ ئەو کەسانەی جێگایان نییە لێی بمێننەوە.

جگە لەوە: هەموو ئەم مەترسییانە گەیەنراوەتە عێراق، بەڵام بەهۆی بڕیاری سیاسییەوە تێبینی هەرێمی کوردستان لەبەرچاو نەگیراوە، ئێستا ئەوەی گرنگە لەم پرۆسەیەدا بە کەمترین زیان لێی دەربچین.