بابەتە سەرەکیەکە: سەرۆککۆماری تورکیا رایگەیاند، بڕیاری رێگەدان بە بەکارهێنانی موشەکی دوورمەودا لەلایەن ئۆکرایناوە بە دروست نازانین و پەسەندیی ناکەین.

لێدوانی فەرمی: رەجەب تەیب ئەردۆغان سەرۆککۆماری تورکیا رایگەیاند: هەروەک چۆن پێش هەموو شتێک ئەم بڕیارەمان بە دروست نەزانی و پەسەندیشی ناکەین، لە دەستپێکیەوە تاوەکو ئێستا پێمانوایە جەنگی ئۆکراینا و روسیا بە هەوڵدانی زیاتری ئاشتیی و دیبلۆماسیی کۆتایی دێت، نەوەک بە چەک و خوێنڕشتنی زیاتر.

ئەمەشی وت: ئەم هەنگاوەی جۆو بایدن، وەک هەڵمەتێک بۆ خۆشکردنی جەنگەکە دێت و دەبێتە هۆی کۆتایی نەهاتن و فراوانکردنی جەنگەکە، هاوکات وادەکات روسیا کاردانەوەیەکی گەورەتر و تووندتری هەبێت.

زیاتر: بچووکترین هەڵە بکرێت لەو زەمینەیەی ئەم هەڵە گەورەیەی بایدن دروستیکردووە، جیاواز نابێت لە ئاگربەردان لە باروت و داوا لە هەمووان دەکەین وریاییانە هەڵسوکەوت بکەن.