بابەتە سەرەکییەکە: نوێنەرێکی حزبوڵا لە پەرلەمانی لوبنان بانگەشەی ئەوە دەکات، ئەمڕۆ چەندجارێک ئاگربەست لەلایەن ئیسرائیلەوە پێشێلکراوە.

چی وت: حوسێن حاج نوێنەری حزبوڵا لە پەرلەمانی لوبنان رایگەیاند: ئەمڕۆ سوپای ئیسرائیل چەند هاوڵاتییەکی مەدەنی کوشتوە کە دەیانویست بگەڕێنەوە بۆ سەر ماڵ و ژیانی خۆیان.

زیاتر: رێککەوتنی ئاگربەست سنوردارە و راگرتنی شەڕ و پێکدادانەکان زیان بە چەک و هێزەکانی "بەرگریکار" ناگەیەنێت.

ئەوەی پێویستە بیزانیت: دوێنێ ئاگربەست لەنێوان ئیسرائیل و حزبوڵا راگەیەندرا و بەیانی ئەمڕۆ ئاگربەستەکە چوە بواری جێبەجێکردنەوە.