بابەتە سەرەکیەکە: ئه‌مڕۆ لە کارگەیەکی بەرهەمهێنانی تەقەمەنی لە رۆژئاوای تورکیا تەقینەوەیەکی گەورە رویدا تاوەکو ئێستا زیاتر لە 12 كه‌س  گیانیان له‌ده‌ستداوه‌.

کێ وتی: میدیاکانی تورکیا بڵاویانکردەوە، لە ئەنجامی ته‌قینه‌وه‌ی كارگه‌یەكی تەقەمەنی لە پارێزگای باڵکئەسیری رۆژئاوای تورکیا 12 کەس گیانیان لەدەستدا و سێ کەسی دیکەش برینداربون.

ئەمەش هەیە: چه‌ندین تیمی تەندروستی و بەرگریی شارستانی و هێزە ئەمنییەکان گه‌یشتونه‌ته‌ شوێنی روداوه‌كه‌ و له‌هه‌وڵدان بۆ رزگاركردنی ئه‌و كه‌سانه‌ی له‌ژێر داروپه‌ردوی كارگه‌كه‌دان.

زیاتر: تاوەكو ئێستا هۆكاری سەرەكی تەقینەوەكە نەزانراوە، له‌ڕێگه‌ی تیمەکانه‌وه‌ لێکۆڵینەوەی ورد لە روداوەکە دەستیپێکردوە.