بابەتە سەرەکیەکە: دادگای پێداچونەوەی هەرێمی کوردستان بڕیاری دا سەرجەم تۆمەتەکانی رۆژنامەنوس، سلێمان محەمەد هەڵبوەشێنێتەوە دەستبەجێ  ئازادی بکات.

لێدوانی فەرمی: نەریمان ئەحمەد، پارێزەری رۆژنامەنوس سلێمان ئەحمەد بە میدیاکانی راگەیاند، دادگای پێداچونەوەی هەرێمی کوردستان بڕیاریدا رۆژنامەنوس، سلێمان محەمەد، ئازاد بکرێت و سەرجەم تۆمەتەکانی هەڵبوەشێنرێتەوە.

ئەوەشی وت: دەستدەكەن بە رێوشوێنی ئازادكردنی و دادگای پێداچونەوە هیچ بەڵگەیەك بۆ ئەو تۆمەتباركردنە لەبەردەست نەبوە بۆیە بڕیاری هەڵوەشانەوەی حوكمەكەی داوە.

زانیاری: سلێمان ئەحمەد هەواڵسازی بەشی عەرەبی ئاژانسی رۆژنیوز بوو، کە لە مانگی 10ی 2023ـەوە لەلایەن ئاسایشی دهۆک لە دەروازی فیشخاپور دەستگیرکراوە و سزای زیندانیکردنی سێ ساڵی بۆ دەرکرا ئەوەش کاردانەوەی زۆری بە دوای خۆیدا هێنا.