بابەتە سەرەکیەکە: قائیمقامییه‌تی سلێمانی بڵاویکردەوە، به‌هۆی پابه‌ند نه‌بون به‌مه‌رج و رێنماییه‌كانی كاركردن و ئه‌نجامدانی كاری سیحر و جادو تیایدا ئارایشتگایەک لە سڵیمانی دادەخرێت.

راگەیەندراوی فەرمی: ئه‌مڕۆ پێنجشه‌ممه‌، قایمقامی سلێمانی رایگەیاند، ''به‌هۆی پابه‌ند نه‌بون به‌مه‌رج و رێنماییه‌كانی كاركردن و ئه‌نجامدانی كاری سیحر و جادو له‌ شوێنه‌كه‌یدا، به‌فه‌رمانی قائیمقامی سلێمانی‌ شنه‌ بیوتی له‌ گه‌ڕه‌كی به‌كره‌جۆ داخست.''

ئاماژە بەوەشکراوە: ''بۆ روبه‌ڕوكردنه‌وه‌ی خاوه‌نه‌كه‌شی به‌رێكاره‌ یاساییه‌كان، دۆسییه‌كه‌ی ره‌وانه‌ی دادگا ده‌كرێت.''

هاوکات: لیژنه هاوبه‌شه‌كانی قائیمقامییه‌تی سلێمانی، هۆشداری توند به‌خاوه‌ن شوێنه‌كان ده‌دات، هه‌ر شوێنێك كاری سیحر و جادوی تیادا ئه‌نجام بدرێت، ده‌سبه‌جێ شوێنه‌كه‌ داده‌خرێت و خاوه‌نه‌كه‌شی روبه‌ڕوی رێكاری یاساییه‌كان ده‌كرێته‌وه‌.