بابەتە سەرەکیەکە: بڕیارە ئەمڕۆ مەكتەبی سیاسی یەكێتیی نشتیمانیی كوردستان
بەسەرپەرشتی بافڵ جەلال تاڵەبانی كۆببێتەوە و تاوتوێی چەند تەوەرێكی گرنگ بكات.
لێدوانی فەرمی: سەعدی ئەحمەد پیرە وتەبێژی یەكێتی بە میدیای فەرمی حیزبەکەی
رایگەیاند، كۆبوونەوەكە تایبەتە بە تاوتوێكردنی چەند تەوەرێكی گرنگی پەیوەست بە هەرێمی
كوردستان و عیراق.
زانیارییەکان: گرنگترین تەوەری كۆبوەنەوەكە بۆ هەڵسەنگاندنی دەرەنجامەکانی هەردوو
شاندی دانوستانكاری یەكێتی و پارتیە سەبارەت بە پێكهێنانی كابینەی نوێی حكومەتی هەرێم.
هاوکات: مانگرتنی مامۆستایان و فەرمانبەرانی سلێمانی و هەوڵەكانی نێوان هەرێم
و بەغدا بۆ چارەسەركردنی كێشەی موچەی فەرمانبەرانی هەرێم بەشێكی دیكەی گفتوگۆكانی
نێو كۆبوونەوەكەی مەكتەبی سیاسی یەكێتی دەبێت.