بابەتە سەرەکیەکە: سەرۆککۆماری تورکیا رایگەیاند، هەلی مانەوە و چانسی ژیانمان نەداوە و نایدەین بەو رێکخراوە تیرۆریستییانەی لە باکوری سوریا هەڕەشەن بۆ سەر ولاتەکەمان.

لێدوانی فەرمی: رەجەب تەیب ئەردۆغان سەرۆککۆماری تورکیا لە کۆنگرەیەکی رۆژنامەوانیدا رایگەیاند: غەززە ئازارێکە لە دڵماندا، غەززە برینێکە لەناخماندا، بە گیان تێدەکۆشین بۆ کەمکردنەوەی ئەو ئازارە و ساڕێژکردنی ئەو برینە، بەداخەوە هێشتا جیهانی ئیسلامی نەیتوانیوە هەنگاوێکی بە کۆمەڵ لەو بارەوە بنێت.

هاوکات: سەبارەت بە کۆبونەوەی، دۆناڵد ترەمپ و سەرۆکی روسیا، ڤلادیمێر پوتین وتی؛ پشتیوان بە خودا ئەگەر ئەنجامێک لەم کۆبونەوەیە وەرگرین کە بە نیازباشی چاوەڕوانی دەکەین، ئەوا جیهان هەنگاوێکی زۆر جیاوازتر دەنێت.

ئەمەشی وت: بەداخەوە ئەمریکا حساباتێکی ھەڵە لەبارەی ناوچەکەمانەوە دەکات و پێویستە ھەڵوێستێکی نەبێت کە مێژو و بەھا و ئەزمونەکانی ئەم جوگرافیایە پشتگوێ بخات.

زیاتر: سەبارەت بە پێشهاتەکانی سوریا، ئەردۆغان رایگەیاند؛ پێویستە رێکخراوە تیرۆریستییەکان لەوە تێبگەن کە لە سوریادا شوێنیان نییە، ئەگینا سڵ ناکەینەوە لە هەنگاونان بۆ ئەوەی ئەم راستییەیان تێبگەیەنین.

چی تر: هەلی مانەوە و چانسی ژیانمان نەداوە و نایدەین بەو رێکخراوە تیرۆریستییانەی لە باکوری سوریا هەڕەشەن بۆ سەر ولاتەکەمان و ئارامیمان نییە بەرامبەر رێکخراوە تیرۆریستییەکان، کاتێک هەنگاو دەنێین بۆ چارەسەری پرسەکە دەرفەت نادەین بە کەس سەرقاڵمان بکات و کاتمان بەفیڕۆ بدات.