بابەتە سەرەکیەکە: ئه‌ندامێکی مه‌كته‌بی سیاسی یه‌كێتی رایگەیاند، " ته‌وتینكردن چاره‌سه‌ری بنچینه‌یی كێشه‌ی موچه‌خۆرانی هه‌رێمه‌و چیتر ناتوانرێت مامه‌ڵه‌ له‌گه‌ڵ پرۆژه‌ی هه‌ژماری من وه‌ك پرۆسه‌یه‌كی ناچاریی و زۆره‌ملێ بكرێت ".

لێدوانی فەرمی: ته‌لار له‌تیف ئه‌ندامی مه‌كته‌بی سیاسی یه‌كێتیی نیشتمانیی كوردستان رایگەیاند، ''بەرەیەک ده‌سه‌ڵاتی حكومه‌تی خۆی به‌كاردێنێت بۆ جێگیركردنی مووچه‌كان له‌پرۆژه‌ی (هه‌ژماری من)، و به‌ره‌یه‌كی دیکە داوا ده‌كات   پرۆسه‌ی (ته‌وتین)  جێبەجێبکرێت".

ئەوەشی وت: "یه‌كێتی وه‌ك حزبێكی گه‌وره‌و خاوه‌ن سه‌نگی گۆڕ‌ه‌پانی سیاسی هه‌رێم و عێراق و خودی سه‌رۆكی یه‌كێتیی هه‌ر له‌سه‌ره‌تاوه‌ پاڵپشتی خۆیان بۆ جێبه‌جێكردنی بڕ‌یاری دادگای فیدراڵی خسته‌ڕ‌وو، له‌پێناو زامنكردنی مافی ته‌واوی موچه‌خۆرانی هه‌رێم و دورخستنه‌وه‌ی بژێوی فه‌رمانبه‌ران و موچه‌خۆران له‌كێشه‌كان"

ئەوەشی خستەروو: ''بە پێی بڕیارەکەی دادگای باڵای فیدراڵی ناتوانرێت مامه‌ڵه‌ له‌گه‌ڵ پرۆژه‌ی هه‌ژماری من وه‌ك پرۆسه‌یه‌كی ناچاریی و زۆره‌ملێ بكرێت،‌ به‌ڵكو ده‌بێت پرۆسه‌كه‌ پرۆسه‌یه‌كی ئاره‌زومه‌ندانه‌ بێت و فه‌رمانبه‌ران و موچه‌خۆرانی هه‌رێم سه‌ربه‌ستبن له‌هه‌ڵبژاردنی هه‌ر بانكێك به‌حكومیی و ناحكومییه‌وه‌.''