بابەتە
سەرەکیەکە: دەستەی راگەیاندن و پەیوەندییەكانی عێراق رایگەیاند، بەهۆی نەدانەوەی
قەرزەکانی، خزمەتگوزاری ئینتەرنێتی کۆمپانیای کۆڕەک رادەگیرێت.
راگەیەندراوی
فەرمی: دەستەی راگەیاندن و پەیوەندییەكانی عێراق رایگەیاند: بڕیاردراوە بە
گرتنەبەری رێوشوێنی سزایی دژی کۆمپانیای کۆڕەک تێلیکۆم، بە داخستن و راگرتنی دەستبەجێی
خزمەتگوزاری ئینتەرنێتی کۆمپانیاکە، ئەوەش بە هۆی پابەندنەبونی بە پێدانەوەی
قەرزەكانی.
ئەمەش هەیە: دەستەكە
داواكەی ئاڕاستەی وەزارەتی گواستنەوە و گەیاندنی عێراق کردوە بۆ جێبەجێکردنی
بڕیارەکە، هەروەها کۆمپانیای کۆرەک بەپێی مەرجەکانی گرێبەستی مۆڵەتەکەی، قەرەبوی
بەشداربوان دەکاتەوە، بە مەبەستی دڵنیابون لەوەی زیان بە مافەکانی بەکارهێنەران نەگات.
زیاتر:
دەستەكە رێوشوێنی پێویست دەگرێتەبەر بۆ وەرگرتنی سکاڵای بەشداربوان سەبارەت بە
پچڕانی خزمەتگوزارییەکە، لە هەمانکاتدا کۆمپانیای کۆرەک بەرپرسیار دەکات لە هەمو
دەرئەنجامەکانی پچڕانی خزمەتگوزارییەکە.