بابەتە سەرەکیەکە: ئەنجومەنی وەزیرانی عێراق، بڕیاریدا بە کەمکردنەوەی کاتی دەوامی فەرمی لە رۆژانی مانگی رەمەزاندا و بۆ چارەسەر بۆ قەرەباڵغی هاتوچۆ لە بەغداش چەند بڕیارێکی پەسەندکرد.

راگەیەندراوی فەرمی: نوسینگەی راگەیاندنی سەرۆک وەزیرانی عێراق بڵاویکردەوە: ئەمڕۆ ئەنجومەنی وەزیران بە سەرۆكایەتی محەمەد شیاع سودانی کۆبوەوە، کە تیایدا باس لە پرسە گشتییەکانی وڵات کرا، گرنگترین فایلە ئابوری و خزمەتگوزارییەکانیش خرایە بەر باس، جگە لە تاوتوێکردنی پێشکەوتنی جێبەجێکردنی ئەولەویەتەکانی بەرنامەی حکومەت، و تاوتوێکردنی ئەو تەوەرانەی لە بەرنامەی کاردا خراونەتەڕو.

ئەمەش هەیە: بەبۆنەی هاتنی مانگی رەمەزانەوە، رەزامەندی دەربڕی لەسەر ئەوەی دەوامی فەرمی دامەزراوە و فەرمانگەکان، لە رۆژانی مانگی رەمەزاندا یەک کاتژمێر کەمبکرێتەوە.

چی تر: سەبارەت بە دەوامی فەرمی دامەزراوە حکومییەکان و زانکۆکان، و دانانی چارەسەر بۆ قەرەباڵغی هاتوچۆ لە بەغدا، ئەنجومەنی وەزیران ئەمانەی خوارەوەی پەسەند کرد؛

- راگرتنی جێبەجێکردنی بڕگەی (یەکەم/د)ـی بڕیارنامەی 24213ـی ساڵی 2024ـی ئەنجومەنی وەزیران، گەڕاندنەوەی دەوامی فەرمی زانکۆکان، و پێدانی دەسەڵاتی ئەنجومەنی زانکۆکان بۆ دیاریکردنی کاتی دەوامیان، بەپێی مەرجەکانی دەوام و خشتەی خوێندن، کە لە2ـی ئازاری 2025ـەوە دەستپێدەکات.

- رەزامەندیدان لەسەر هەموارکردنەوەی دەوامی فەرمی سەنتەری وەزارەتی نەوت بۆ ئەوەی لە 7ـی بەیانی تا 2ـی پاش نیوەڕۆ بێت، لەبری 9ـی بەیانی تا 4ـی ئێوارە.

- هەموارکردنەوەی دەوامی فەرمی بەشەکانی سەر بە وەزارەتی زانست و تەکنەلۆجیا بۆ ئەوەی لە 7ـی بەیانی تا 2ـی پاش نیوەڕۆ بێت.

- بەخشینی بەشی سینەما و شانۆ لە وەزارەتی رۆشنبیری و گەشتوگوزار و دێرینەکان لەو دەوامی فەرمی کە بۆ ئەو وەزارەتەی پێشتر ئاماژەی پێکراوە دیاری کراوە.

-  هەموارکردنەوەی دەوامی فەرمی فەرمانگەی ئەوقافی مەسیحی و ئێزیدی و مەندائین بۆ ئەوەی لە کاتژمێر 7ـی بەیانی تا 2ـی پاشنیوەڕۆ بێت.

- جەختکردنەوە لەسەر چالاککردنی گواستنەوەی گشتی و پاڵنانی فەرمانبەران بۆ بەشداریکردن تێیدا، بە پێدانی ماوەی نیو کاتژمێری بۆ پەنجەمۆری چونە ژورەوە و دەرچون.

- سەرۆکایەتی شارەوانی بەغدا و بەرێوەبەرایەتی ڕێگاوبان و پردەکان خێراتر دەکەن لە چارەسەرکردن و چاککردنەوەی زیانەکانی سەر شەقامە سەرەکییەکان بۆ ئەوەی قەرەباڵغی هاتوچۆ دروست نەبێت، بە هەماهەنگی نێوان خۆیان و بەرێوەبەرایەتی هاتوچۆ.

-  وەزارەتی خوێندنی باڵا و توێژینەوە، بە هەماهەنگی لەگەڵ شارەوانی بەغدا و بەرێوەبەرایەتی هاتوچۆی گشتی، چارەسەر دەدۆزێتەوە بۆ ڕاگرتنی ئۆتۆمبێلی خوێندکاران لەسەر شەقامەکانی نزیک باڵەخانەکانی زانکۆ (بەتایبەتی تایبەت)، بەهۆی نەبونی گەراجی گونجاو، هەروەها بۆ دورکەوتنەوە لە روداو و قەرەباڵغی هاتوچۆ.