بابەتە سەرەکیەکە: فرانسیسکۆ ریڤێلا، داهێنەرە ئیتاڵیەکەی شوکۆلاتەی نوتێلا، لە تەمەنی 97 ساڵیدا کۆچی دوایی کرد.

کێ وتی: ئاژانسی هەواڵی فۆکس نیوز بڵاویکردەوە: ئەمڕۆ سێشەممە، فرانسیسکۆ ریڤێلا کیمیاگەری ئیتاڵی و داهێنەری شوکۆلاتەی بەناوبانگی نۆتێلا، لە تەمەنی 97 ساڵیدا کۆچی دوایی کرد.

زیاتر: ناوبراو بەرلەوەی نوتێلا بخاتە بازاڕەوە کە بەناوبانگترین فندقی جیهانە، لە کۆمپانیای میشێل فێرێرۆ، کوڕی خاوەنی براندی بەناوبانگی شوکۆلاتەی فێرێۆ -- پیترۆ فێرێرۆ کاریدەکرد.

چی تر: ریڤێلا، بەشێک بو لە تیمی فێرێرۆ و  بەرپرسیار بو لە لێکۆڵینەوە لە کەرەستە خاوەکان بۆ پەرەپێدانی بەرهەمی نوێ لەڕێگەی تێکەڵکردن و پاڵاوتن و تامکردنی پێکهاتەکان لە پێناو بەدەستهێنانی تامە تەواوەکان.