بابەتە سەرەکیەکە: ئەمڕۆ لە شاری سلێمانی لە مەراسیمێکدا کتێبی " بە کورتی " لە نوسینی خاتو هێرۆ ئیبراهیم ئەحمەد، بڵاوکرایەوە و خرایە بەردەستی خوێنەران.

لێدوانی تایبەت: مەریوان مەسعود رێکخەری مەراسیمەکە بە BMC راگەیاند: کتێبەکە لەلایەن ئاکۆ غەریبەوە ئامادەکراوە و سەرجەم گۆشە و نوسینەکانی خاتو هێرۆ ئیبراهیم ئەحمەدە، کە لە گۆڤاری خاک بڵاویکردوەتەوە مانگانە.

زیاتر: لەم گۆشەیەدا خاتو هێرۆ ئیبراهیم ئەحمەد، سەرجەم بەسەرهاتەکان بە کۆمەڵایەتی، سیاسی، سەردەمی شاخ، شار و ژیانی تایبەتی  و چەندین ئەزمونی دیکە باسدەکات کە کەم کەسمان ئەم ئەزمونانەمان بیستوە.

چی تر: کتێبە کەمترین بابەتی سیاسی تێدایە و زیاتر گرنگی بە ژیانی تایبەتی و کۆمەڵایەتی داوە، لە روداوەکانی کتێبەکەدا بۆچونی خۆی دەخاتەڕو سەبارەت بە روداوەکان و چۆن روداوەکانی بینیوە ئاوا گێڕاویەتەوە، ئەوەی دەیخوێننەوە شتێکی جیاوازە.