بابەتە سەرەکیەکە: بەرێوەبەرایەتی گشتی کەشناسی و بومەلەرزەزانی هەرێمی کوردستان، پێشبینیەکانی کەشوهەوای ئەمڕۆ و سبەی شارەکانی بڵاوکردەوە.

راگەیەندراوی فەرمی: بەرێوەبەرایەتی گشتی کەشناسی و بومەلەرزەزانی رایگەیاند: ئەمڕۆ هەینی، ئاسمان هەور دەبێت ، نمە بارانی پچڕپچڕ لە شوێن و ناوچە جیاجیا دەبێت، بەڵام لە ناوچەكانی پارێزگای سلێمانی، هەڵەبجە، ئیدارەی سۆران و ڕاپەڕین ڕێژەی دابارین زیاتر دەبێت و بارانی مامناوەند دەبارێت، لە ناوچە شاخاوییەكان بە تایبەت ناوچە سنوریەكان بەفر بارین دەبێت .

هاوکات: پێشبینی دەكرێت بۆ كاتەكانی شەو لە سەنتەری پارێزگای سلێمانی و ناوچەكانی دەوروبەری سلێمانی و سەنتەری قەزای سۆران بە كەمی بەفر بارین هەبێت، پلەکانی گەرما 2 بۆ 4 پلە نزمدەبنەوە بەراورد بە تۆمارکراوەکانی دوێنێ.

چی دیکە: سبەی شەممە، ئاسمان بە گشتی هەور دەبێت و لە ناوچەكانی ڕۆژهەڵاتی هەرێم نمە باران و بارانی مامناوەند بە پچڕپچڕی دەبارێت، هەروەها لە ناوچە شاخاوییە سنوریەكان بەفر بارین دەبێت و پلەکانی گەرما 1 بۆ 2 پلە نزمدەبنەوە بەراورد بە تۆمارکراوەکانی ئەمڕۆ.