بابەتە سەرەکیەکە: وتەبێژی وەزارەتی کشتوکاڵ رایگەیاند، ئەم شەپۆلەی بارانبارین، سودێکی زۆری بۆ بەرهەمە کشتوکاڵییەکان دەبێت.

لێدوانی تایبەت: هیوا عەلی، وتەبێژی وەزارەتی کشتوکاڵ و سەرچاوەکانی ئاوی هەرێمی کوردستان، بە BMC راگەیاند: بارانبارینی ئەم مانگە و بەتایبەتی ئەم شەپۆلەی ئێستا، سودی زۆری بۆ سەرجەم بەرهەمە کشتوکاڵییەکان دەبێت بەتایبەتی دانەوێڵە.

ئەمەشی وت:  پێشبینی دەکەین ئەو بڕە پێویستەی کە لە دەستپێکی وەرزی ئەمساڵ نەباری، لە مانگی شوبات و مانگی داهاتو ببارێت.

زیاتر: بەشێکی زۆری جوتیاران بۆ دانەوێڵەکانیان پشت بە ئاوی باران دەبەستن، لەبەر ئەمەش ئەم بارانەی ئێستا سودێکی زۆری دەبێت بۆ بەرهەمە کشتوکاڵییەکانیان.