بابەتە سەرەکییەکە: سەرۆک وەزیرانی ئیسرائیل جەخت لەوەدەکاتەوە، تاوەکو ئامانجەکانی شەڕ بەدەستنەهێنن لە غەززە ناوەستن.

چی وت: بنیامین ناتانیاهو سەرۆک وەزیرانی ئیسرائیل رایگەیاند: بەپێی رێککەوتنەکەی ئەم دواییەمان لەگەڵ حەماس، توانیومانە 38 بارمتە بگەڕێنینەوە بۆ وڵاتەکەمان و تاوەکو هەمو ئامانجەکانی شەڕ بەدەستنەهێنین بەردەوام دەبین.

زیاتر: بەهۆی پێداگری منەوە توانیمان لەگەڵ حەماس بگەینە ئاگربەست، بەڵام ئەو گروپە درۆی ئەوەی لەگەڵ بارمتەکان کردوە کە گوایە من پشتم لێکردون، هیچ بارمتەیەکی مرد و زیندو لە غەززە بەجێناهێڵین.

ئەمەش هەیە: ئێمە ئاگربەستمان پێشێل نەکردوە و رێککەوتنەکە مافی ئێمەی دیاریکردوە بەوەی دانوستانەکان بەجێبهێڵین ئەگەر بێهودە بون.

لە بەرامبەردا: ئوسامە حەمدان رابەری بزوتنەوەی حەماس ئاشکرایکرد: رژێمی ئیسرائیل ئاگربەستی پێشێلکردوە و ل؛ە هەوڵی دەستپێکردنەوەی شەڕدایە.